Жаңалықтарды Telegram арнамыздан оқыңыз!Атырауда 35 жастағы мектеп мұғалімінен А гепатиті анықталды. Бұл ақпаратты қалалық білім бөлімі де растап отыр. Жұқпалы аурулар ауруханасына жатқызылған науқас бастауыш сынып балаларына сабақ берген. Санитария-эпидемиологиялық бақылау басқармасы осы оқиғадан кейін оқушылардың денсаулық жағдайына күнделікті мониторинг жүргізілетінін хабарлады. Мұғаліммен байланыста болғандардың бәріне тегіс медициналық бақылау жасалды. Нәтижесінде ешбірінен жұқпалы ауру шықпады. Осыған ұқсас жағдай қаңтар айының ортасында болған еді. Ол кезде шаһардағы білім ордасының директорынан ашық туберкулез анықталды.
Жандос Темірғали
