Министр Тараздағы бала сату оқиғасына пікір білдірді

Денсаулық сақтау министрі Сенат қабырғасында бала саудасымен күрес қалай жүріп жатқанын айтты. Мұндай жағдайлар шамамен 5 жыл бұрын болған. Содан кейін бүкіл перинаталдық орталықтар мен перзентханаларға бейнебақылау орнаттық. Баладан бас тартқан аналармен жұмыс істейтін мамандардың, психологтардың жұмысын ұйымдастырдық, - деді министр. Ал Тараздағы оқиғаға қатысты мән-жайды нақты білмейтінін айтты. Бұл жұмыстармен қазір полиция айналысып жатыр, - деді ведомство басшысы. Бұған дейін біз Таразда медицина қызметкерлері жаңа туған нәрестені 1,5 млн теңгеге сатпақ болғаны туралы айтқан болатынбыз.

Ажар Ғиният, ҚР Денсаулық сақтау министрі:

Барлық перзентханада бейнебақылау жүйесі орнатылған. Дәрігерлер палатадағы жағдайды қарап отырады. Алайда жақында болған оқиғаны назарға ала отырып, біз ел бойынша медициналық персоналмен тағы да тиісті жұмысты атқаратын боламыз.

Дарын Сағитов