Германия Ресей мұнайы мен газына тәуелділіктен құтылды

Еуропаның ең ірі экономикаларының бірі Германия Ресей отынына тәуелділіктен құтылды. Мұны Давос форумында осы елдің қаржы министрі Кристиан Линднер мәлімдеді. Оның сөзінше, Мәскеу Украинаға әскер кіргізгеннен кейін неміс үкіметі энергетикалық инфрақұрылымды толық әртараптандыруға кіріскен.

Соның нәтижесінде бүгінде көмір электр станциялары қайта ашылып, үш АЭС-ті жабу жоспары доғарылып, АҚШ, Норвегия тәрізді елдерден импортталатын табиғи газды сақтау қоймаларының қуаттылығы арттырылған.

Айта кетсек, бұған дейін Германия өзіне қажетті газдың жартысын, мұнайдың үштен бір бөлігін Ресейден импорттаған еді.

Арыстан Рысбек