Ақтауда теңіз суы жиналатын арналарда мұз қатты

Ақтауда аяздан коммуналдық кәсіпорынның теңіз суы жиналатын арналарына мұз қатып қалды. Соның салдарынан мекемелерге су беруге уақытша шектеу қоюға тура келген. Бірақ қала тұрғындары тұтынатын ауыз суға шектеу жоқ. Ал арнадағы қатып қалған мұзды еріту үшін 14 көлік ыстық су тасыды. Мамандардың айтуынша, Каспийдің қатуы су тұщыту қондырғыларына зиян келтіруі мүмкін. Ал теңіздің тартылуы комбинаттың технологиялық процесіне кері әсер етеді.

Алексей Смоленский коммуналдық кәсіпорын өкілі:

Қазір ыстық су жіберу арқылы мұзды ерітіп, су көлемін көбейту жұмыстары жүріп жатыр. Таңертен арнадағы судың деңгейі небәрі жарты метр болған. Қазір екі метрге көтерілді. Жағдай тұрақталып келеді.

Аягөз Оралбайқызы