Жаңалықтарды Telegram арнамыздан оқыңыз!Маңғыстауда Парламент Сенатының сайлауы заң талаптарына сай өтті.
Аймақта барлығы 133 депутат болса, саяси науқанға соның 119-ы қатысып, өз таңдауын жасады. Өңірде Сенат депутаттығына 3 адам үміткер ретінде тіркелген. Оның екеуі мемлекеттік қызметкер, біреуі жеке кәсіпкер. Сайлаудың өту барысын үміткерлердің сенімді өкілдері мен бұқаралық ақпарат құралдары өкілдері қарап отырды. Жалпы, аймақта сайлау алды дайындық шаралары да, үміткерлердің үгіт-насихат жұмыстары да заң шеңберінде өткізілген.
Жаңбырбай Матаев, облыстық мәслихат депутаты:
Кім осы жеңіске жетеді, сол осы өңірдің әлеуметтік-экономикалық дамуына, стратегиялық жоспардың аясында жұмыс жасап, республикадағы Парламент Сенатының қабырғасында заңдарға өзгерістер, толықтырулар енгізу бағытында үлкен біліктілік білдіреді деген үлкен сенімдемін.
Аягөз Оралбайқызы
