Украинаның Днепр қаласында зымырандық шабуылдан 30 адам қаза тапты

Украинаның Днепр қаласында Ресейдің ракеталық шабуылынан қаза тапқандар саны 30-ға жетті. Тағы 73 тұрғын ауруханаға түскен. Олардың 12-сінің халі мүшкіл. Бұған қоса, 30-40 адам үйінді астында қалып қойды. Оларды құтқаруға деген үміт өшіп барады.

Жалпы алғанда, сенбі күні Ресей бұл мемлекет аумағына 38 зымыран жіберген. Украина әуе қорғанысы күштері солардың 25-ін атып түсіргенін хабарлап отыр. Дегенмен, алты аймақта энергетикалық нысандар зақымданған.

Ресей қазан айынан бері Украинаға ракеталармен, дрондармен қайта-қайта соққы беріп келеді. Соның салдарынан миллиондаған адам жарықсыз, сусыз, жылусыз қалып отыр.

Арыстан Рысбек