«АрселорМиттал Теміртау» компаниясына кешенді тексеріс жасалмақ

Апаты жиілеп, жұмысшылар мерт болып жатқан «АрселорМиттал Теміртау» компаниясына кешенді тексеріс жасалмақ. Оның кестесі бекітіліп, мекеме өкілдеріне хабарланды. Бүгін Премьер-министр Әлихан Смайылов компанияның вице-президенті Виджай Гоялмен кездесті. Үкімет басшысының сөзінше кәсіпорынға қаржылық, техникалық және экологиялық аудит жүргізу үшін, халықаралық тәуелсіз мамандар шақырылады. Қараша айынан бері өндіріс орнында бірнеше төтенше жағдай болып, кемінде 7 адам жұмыс орнында көз жұмды.

Шерхан Жамбылұлы