Сенат сайлауы: Түркістан облысынан 2 кандидат қатысады

Түркістан облысынан Парламент Сенатының сайлауына 2 кандидат қатысады. Алғашында өз кандидатурасын 6 үміткер ұсынған. Кейін бір үміткер отбасылық жағдайына байланысты құжаттарын кері қайтарып алған.

Ал екінші кандитаттың мүлік салығы жөніндегі декларациясын тексеру кезінде шикілік шығып, тіркеуден алынып тасталған. 24 желтоқсан күні аймақта 4 кандидат үгіт-насихат жұмыстарын бастағанымен, кейін оның екеуі өтінішін қайтарып алды.

Қазіргі таңда 2 үміткер сайлау алды үгіт-насихат жұмыстарын жалғастырып жатыр.

Әмірдин Әлішев, облыстық Аумақтық сайлау комиссиясы төрағасының орынбасары:

Облыстық аумақтық сайлау комиссиясы 14 қаңтарға белгіленген сайлауға дайындық жұмыстарын қызу жүргізуде. Сайлау 11:00-ге белгіленген. Дайындық жұмыстары ҚР Орталық сайлау комиссиясының күнтізбелік бекітілген іс-шарасына байланысты талапқа сай атқарылуда.

Айнұр Ақбаева