Жастарға жеңілдікпен микрокредит беру басталды

Жастарға жеңілдікпен микрокредит беру шарттары белгілі болды. Кәсіп бастағысы келетін немесе бизнеспен айналысып жүрген 21 жастан 35 жасқа дейінгі азаматтарға конкурс арқылы шағын несие алуға мүмкіндік бар. Микрокредит Аграрлық несие корпорациясы арқылы беріледі. Жылдық мөлшерлемесі 2,5%-дан аспайды. Қарыз 5 млн теңгеге дейін беріледі. Микрокредитті кез келген мақсат үшін 5 жылға дейін, ал мал шаруашылығына 7 жылға дейін алуға болады. Еңбек және халықты әлеуметтік қорғау министрлігінің хабарлауынша, қазір жергілікті атқарушы органдармен кредит шарты жасалып, өңірлерде бизнес-жобаларды қарайтын комиссия құрылып жатыр.

Ақерке Бектас