Жаңалықтарды Telegram арнамыздан оқыңыз!Қытай туристеріне Бельгия үкіметі де талапты күшейтті. Бұдан былай ПТР тесттің теріс нәтижесі болмаса, қытайлықтар корольдікке кіргізілмейді.
Індеттің таралуына жол бермес үшін бельгиялық ғалымдар Қытайдан келген ұшақтардың ағын суларын да жіті тексерістен өткізе бастады. Осы жексенбіде Брюссель әуежайында алынған алғашқы сараптама нәтижесінде судан ковид анықталды.
Бельгия, Германия мен Люксембург билігі өз азаматтарына Қытайға бармауға кеңес береді.
Ильке Демолье, эпидемиолог:
Судан вирустың анықталуы-ұшақта індет жұқтырған адам болғанын растайды. Енді біз бұл Омикронның түрі ме, әлде басқа штамм ба соны анықтаймыз. Басқа штамм болса, оған вакцина әсер ете ме, соны тексереміз.
Нұрсұлу Қасым
