Шығыс Қазақстанда ауа райының нашарлауына байланысты жедел штаб құрылды

Ауа-райының нашарлауына байланысты Шығыс Қазақстан облыстық төтенше жағдай департаментінде жедел штаб құрылды. Ол тәулік бойы жұмыс істейді.

Облыс аумағында қазір 10 уақытша жылыту пункті ашылған. Сонымен қатар 700-ден астам құтқарушы техникасы дайын. Ауа райы туралы SMS-хабарламалар «Дармен» мобильдік қосымшасы арқылы таратылады. «Қазгидромет» орталығы өңірде қарлы боран әлі басылмағанын хабарлады.

Қазіргі уақытта халықаралық және республикалық автожолдардың 7 учаскесі жабық тұр.

Олжас Керейхан