Қасым-Жомарт Тоқаев Жаңа, Әділетті Қазақстанның басты қағидаты әділдік екеніне назар аударды

Қасым-Жомарт Тоқаев Жаңа, Әділетті Қазақстанның басты қағидаты әділдік екеніне назар аударды. Қазыларды осы маңызды міндетті абыроймен атқаратынына сенім білдірді. Өйткені заң үстемдігінің мызғымас беріктігі еліміздегі саяси реформалардың өзегі саналады деді президент.

Қасым-Жомарт Тоқаев, Қазақстан Республикасының Президенті:

Бүгінде Қазақстан жаңа дәуірге қадам басты. Бұрын-соңды болмаған бірегей саяси реформалар жүзеге асырылды. Қазіргі таңда дүние жүзінде дәл осындай ауқымды, мазмұнды реформалар жасап жатқан ел бірен-саран. Бұл – ақиқат. Мұны бүкіл әлем мойындап отыр. Қазақстан реформатор мемлекетке айналды. Шын мәнінде, тек былтыр атқарылған жұмыстар біздің қоғамдағы өзгерістердің ауқымы мен тереңдігі туралы оң әсер қалдырмауы мүмкін емес. Қазақстан мемлекет ретінде айтарлықтай жаңғырды. Бұл деректі әлемдік қоғамдастық ашық мойындады. Оған көптеген халықаралық байланыс пен ең жоғары деңгейдегі кездесулер дәлел. Конституциялық Сот Әділетті Қазақстанның айнасы болады десек, артық айтқандық емес.

Досжан Маратұлы