Сенат өңірлердің мүддесін қорғайтын палатаға айналады

Сенат өңірлердің мүддесін қорғайтын палатаға айналады. Бұл туралы бір топ сенатор Алматы қалалық мәслихатының депутаттарымен кездесуінде айтты. Әр аймақтың қанаттаса өркендеуі – Қазақстанның дамуына кепілдік береді. Осылай деген жоғары палата өкілдері түрлі мәселені бірлесе шешудің жолын талқылады. Жақында ғана Мемлекет басшысы қол қойған агломерация туралы заң да пысықталды.

Нұртөре Жүсіп, ҚР Парламент Сенатының депутаты:

Алматы қаласының және Алматыға іргелес елді мекендердің тең жағдайда дамуы мәселесін қарастыру. Оның ішінде көлік мәселесі, экология мәселесі, денсаулық мәселесі, оқу-ағарту, білім мәселелері. Солардың барлығын кешенді түрде қаржыландыру тетіктерін таба отырып, соларды көп ұзатпай шешімін табу деген мәселе.

Қуан Нұрақын