Серб армиясы жоғары дайындыққа көшірілді

Косово Сербиямен арадағы ең ірі өткізу пунктін жапты. Ал, кеше сербия әскері «аса жоғары дайындық» жағдайына көшіп, Косово шекарасына жауынгерлерін аттандырған. Белград пен Приштина арасындағы шиеленістің күшейуіне албандар Косовоның солтүстігінде тұратын этникалық сербтерге шабуыл жасайды деген хабар себеп. Еуропа одағы да, НАТО да тараптарды ұстамдылыққа шақырып, арандатуға бой алдырмауға үндеді.

Негізінен албандар мекендейтін Косово 1998-1999 жылдардағы соғыстан кейін Сербиядан бөлініп кетті. Алайда, серб үкіметі мен жергілікті сербтер Косовоның тәуелсіздігін мойындамай келеді.

Арыстан Рысбек