Сенат сайлауында Шымкенттен үш үміткер бақ сынайды

Келесі жылдың қаңтар айында өтетін Парламент Сенаты депутаттарының сайлауында Шымкент қаласынан үш үміткер бақ сынайды. Оның бірі қазір осы мандатқа ие азамат, екіншісі қалалық мәслихат депутаты. Үшіншісі мегаполистегі бір мемлекеттік кәсіпорын басшысы. Олар қазір сайлау алды үгіт-насихат жұмыстарын жүргізіп жатыр.

2023 жылдың 9 қаңтар күні үміткерлердің барлығы қалалық мәслихат депуттарымен кездесіп, өз бағдарламасын таныстырады. Шымкент қаласы бойынша Парламент Сенаты депутаттарының сайлауында мәслихаттың 30 депутаты таңдау жасайды.

Қайырбек Құнанбаев, қалалық аумақтық сайлау комиссиясының төрағасы:

Бірлескен кеңес деп айтамыз. Шымкент қалалық сайлау комиссиясы мен қалалық мәслихат бірге отырып, сайлау өткіземіз. Қорытындысы жарияланып, сонан соң 7 күннің ішінде Орталық сайлау комиссиясы қортынды шығаратын болады.

Ғани Қалмахан