Енді тәлімгерлерге қосымша ақы төленеді

Келер жылдан бастап орта арнаулы оқу орындары студенттерінің іс-тәжірибеден өту уақыты еңбек өтілі болып саналады. Сондай-ақ оларға жұмыс ұсынған өндіріс орны қосымша ақы төлеуі тиіс. Мұндай өзгеріс болашақ мамандардың жылдам жұмысқа орналасуына мүмкіндік береді. Әрі жастарды әлеуметтік қолдау болмақ.

Шымкенте биыл техникалық және кәсіптік білім беретін оқу орындарына бөлінетін мемлекеттік грант саны 1200-ге артты. Колледждерде экономика, педагогика, заңгер және байланыс саласына керекті мамандардың саны қысқарып, тек сұранысқа қарай кәсіп иелері оқытылуда. Бүгінде сылақшы, кран басқарушы, дәнекерлеуші, темір жонушы мамандар тапшы.

Жанат Тәжиева, Шымкент қаласы білім басқармасының басшысы:

Биылғы жылдың өзінде балалардың 85 пайызына мемлекеттік тапсырыс есебінен жұмыс жүргізілді. Оның ішінде 44 пайызы құрылыс саласындағы мамандарға көбірек мемлекеттік тапсырыс берілуде. Былтыр бұл іске мемлекет 53 пайыз ғана қаржы бөлетін.

Ғани Қалмахан