Жаңалықтарды Telegram арнамыздан оқыңыз!Қатарда өткен футболдан Әлем чемпионатының жеңімпазы Аргентина құрамасы 37 жарым млн еуро сыйақы алады.
Күміс жүлдегер Франция 28 млн еуроны қанжығаға байлайды. Үштікті түйіндеген Хорватия 25,5 млн, төртінші орынға табан тіреген Марокко құрамасы 23,5 млн еуроға ие болады. Ширек финалға жеткен Бразилия, Нидерланд, Португалия, Англияға 16 млннан астам еуродан бұйыратын болды.
Сонымен қатар 1/8 финалдан кейін шығып қалған және топтық бәсекеден аса алмаған командалар да өз сыйақыларын алады. NBC Sports ақпаратына сәйкес, Халықаралық футбол қауымдастығы бұл мақсатқа бас-аяғы 410 млн еуро қаражат бөлген.
Дарын Сағитов
