Жамбыл облысындағы екі ауданда атыс қаруы табылды

Жамбыл облысында 13 қару мен 345 патрон табылды. Тәркіленген қару ішінде автомат, тапанша, 2 тегіс және 7 ойық ұңғылы мылтық, сондай-ақ травматикалық тапаншалар бар. Мылтықтың бірі Мойынқұм ауданындағы 38 жастағы малшыдан, қалғаны Тараз қаласының маңында және аудандарда жасырылған жерінен табылды. Кейбір қарудың нөмірі әдейі өшірілген. Олардың барлығына сот-баллистикалық сараптама тағайындалды.

Түркістан облысында тәртіп сақшылары жеңіл автокөлік салонынан екі шолақ және бір аңшы мылтығын тәркіледі. Күдікті ретінде Кентау қаласының тұрғыны қамауға алынды. Сотқа дейінгі тергеу жүріп жатыр.