Елімізде әрбір үшінші отбасы ажырасуға жақын

Елімізде әкелер балаларына аз көңіл бөледі. Бұл «Қазақстандық отбасылар – 2022» ұлттық баяндамасының зерттеу нәтижесі. Ер азаматтардың тек 17 пайызы ғана бос уақытын бала-шағасына арнайды. Бұл міндет көбіне әйелдердің мойнында. Дегенмен тұрғындардың 95 пайызы отбасы мүшелерінің арасындағы қарым-қатынасқа көңілдері толады. Ал соңғы 5-6 жылда елімізде туу көрсеткіші тұрақты түрде артып келеді.

Бүгінде бір әйелге 3 баладан келеді. Алайда ажырасу деңгейі төмендемей тұр.

Әсем Қайдарова, «Қазақстандық қоғамдық даму институты» КЕАҚ басқарма төрағасының орынбасары:

Қазір әрбір үшінші отбасы ажырасу деңгейіне жақындап қалды. Сосын некеге тұру саны азайып келеді қазақстандық отбасыларда. Сосын біздің қазақстандық отбасыларда еңбексүйгіштік, үлкенге құрмет дейтін құндылықтар бар отбасында тәрбиелейтін. Осы құндылықтар өкінішке орай соңғы кезде азайып келе жатыр.

Шерхан Жамбылұлы