АҚШ Киевке тағы әскери көмек береді

Америка Құрама Штаттары Украинаға тағы 275 миллион доллардың қаруын беретінін жарияламақ. Мұны «Рейтер» агенттігі хабарлады. Оның дерегінше, жаңа траншқа дрондарға қарсы арсенал, «Хаймарс» реактивтік жүйесіне қажетті ракеталар, әскери автомобильдер, гаубица снарядтары кіреді.

Айта кетсек, ақпаннан бері Вашингтон Киевке 19,1 миллиард доллардың қауіпсіздік жәрдемін жөнелткен. Майдандағы жағдайға тоқталсақ, қазір Украина әскері Донецк облысындағы Бахмут, Авдеевка елді мекендерін ресейліктерге бермеуге күш салып жатыр.

Украиналық жауынгерлер Луганск облысының Сватова қаласында қарымта шабуылға көшуге әрекеттенді.

Арыстан Рысбек