Жаңалықтарды Telegram арнамыздан оқыңыз!Қазақстандық жас қаламгерлердің шығармалары шет тілдеріне аударылып, Еуропа елдерінде жарық көреді. Бұл оң бастама жайлы Жазушылар мен публицистердің III халықаралық форумында айтылды. Қазірдің өзінде Мұқағали Мақатаев, Әбдіжәміл Нұрпейісов, Олжас Сүлейменов, Герольд Белгер сынды қазақтың біртуар азаматтарының 15-ке жуық кітабы ағылшын және француз тілдеріне тәржімаланған.
Алматыда өткен ауқымды шара әлемнің 12 елінен ақын, жазушылар келді. Қаламгерлер әлем әдебиетінің күрделі проблемаларын талқылады.
Владимир Карцов, жазушы:
Бұрын қазақ әдебиеті орыс әдебиетінің көлеңкесінде болатын. Ал қазір әлемдік аренада ойып тұрып өз орнын алды. Қазақтың жазушылары тек ТМД аумағында ғана емес, дүниежүзіне танымал десек, қателеспейміз. Осы шарадан кейін Қазақстанда дарынды жастардың да көп екеніне кө жеткіздік.
Айбол Исламғалиев, ақын:
Бұрын сырттай біліп ғана жүрген мықты қаламгерлер лекция өткізді. Көптеген пайдалы дүние алдық. Осындай шаралар жиі өтіп тұрса, жастардың шығармашылығын дамытуға үлкен септігін тигізер еді.
