Тоқаев Ресейге ресми сапармен барды

Президент Қасым-Жомарт Тоқаев Владимир Путиннің шақыруымен кеше кешке Ресейге ресми сапармен барды. Мемлекет басшысы бүгін Мәскеуде Ресей Президентімен келіссөз жүргізеді.

Сондай-ақ екі елдің басшысы Өңіраралық ынтымақтастық форумының жұмысына бейнебайланыс режимінде қатысады. Қазан айында Қазақстан мен Ресейдің дипломатиялық қарым-қатынас орнатқанына 30 жыл толды. Былтыр екі ел арасындағы сауда-саттық 30 пайызға өсіп, 24 млрд долларды құраған. Биылғы 9 айдың қорытындысы бойынша алыс-беріс 5 пайызға өсіп, 18 миллиардтан асып отыр. 

Шерхан Жамбылұлы