Уэльс пен Иран құрамалары кездесті

Бүгін Б тобының ойындары. Әуелі Уэльс пен Иран құрамалары кездесті.

Иә, офсайд болыпты. Али Голизаденің 16 минутта соққан бұл голы есепке алынбады. Ұлыбританиялық ұжым бұл кездесудің фавориті саналған. Алайда Иран құрамасы алдыңғы ойында ағылшындарға есе жібергеннен кейін, жинақталған секілді. Қарсылас қақпасына бірнеше рет қауіп төндірді. Ойының 86 минутында Уэльс қақпашысы Уейн Хеннеси қызыл қағаз алып, алаңнан қуылды. Бұл осы біріншіліктегі алғашқы қызыл қағаз. Қосымша уақыт қосылып, 99 минутта ирандық қорғаушы Рузбех Чешми есеп ашты. Ал 101 минутта Резаян есепті еселеді. Ойын 2:0 есебімен Ирандықтардың пайдасына шешілді.

Дархан Рахымжан