«HAQ» қоры: Сайлау заң шеңберінде өтті

Он екі өңірде президент сайлауының барысын бақылаған «HAQ» қоғамдық қайырымдылық қорының да пікірі осындай. Қазақстандағы 400-дей сайлау бөлімшесінде қордың 600-ден аса тәуелсіз байқаушысы жұмыс істеді. Олардан бөлек тағы 40-тан аса ұйым бірлесе бақылау жүргізді. Арасында өңірлік және республикалық ұйымдар да бар. Тәуелсіз байқаушылар, саяси науқан бойы ақпарат құралдарында, әлеуметтік желіде жарық көрген материалдарды да зерттеген.

Тоғжан Қожалы, «HAQ» ҚҚҚ атқарушы директоры:
Салыстырмалы түрде айтқанда басқа сайлаудан осы сайлаудың ерекшелігі бар. Айырмашылығы бар. Жеңілдетіп жатыр. Және саяси жүйе либералдыққа, демократиялық өзгерістерге келе жатыр. Соны біз байқай алдық. Шыныменде сайлау учаскелерінде Тоқаевтың жеңісі басқаларға қарағанда зор. Егер менің участігімде Тоқаевқа 490 дауыс берсе, қалған бес кандидатқа көп болса 10-12 адам дауыс берді.

Қуан Нұрақын