Стамбұл орталығында тағы жарылыс болды

Стамбұлдың орталығында тағы жарылыс. Кеше кешке қалада көлік өртенген. Жергілікті басылымдардың хабарлауынша, оған техникалық ақау себеп болса керек.

Көлік жүргізушісінің сөзінше, алдымен ол машинада дизельдік отынның иісін сезген. Кейін ол көліктен шыққан кезде өрт тұтанып, өзге машиналарды шарпыған.

Полиция бұл оқиғаның терактіге қатысы жоқ деп мәлімдеді. Еске салайық, бұған дейін қарашаның 13-і күні Стамбұлдың İstiklal көшесінде лаңкестік әрекет жасалған еді. Сол жарылыстан 6 адам қаза тауып, 81-і жараланды. 

Арай Төлеген