Әлем чемпионатын тікелей эфирде 14 комментатор жүргізеді

Қатарда басталатын футболдан Әлем чемпионатын қазақстандық 14 комментатор жүргізеді. Ойындардың ел аумағындағы ресми хабар таратушысы - «Қазақстан» телерадиокорпорациясы.

Әлем чемпионатының 64 матчы «Qazaqstan» және «Qazsport» телеарналарынан көрсетіледі. «Qazaqstan» телеарнасындағы ойындар тек қазақ тілінде жүргізіледі. Алғашқы ойын 20 қараша күні елорда уақытымен 22:00-де Катар – Эквадор командалары арасында өтеді.

Қазақстандық жанкүйерлер Әлем біріншілігін «Qazaqstan» және «Qazsport» телеарналарының тікелей эфирінен және qazaqstan.tv, qazsporttv.kz ресми сайты мен «Qazaqstan.tv» мобильді қосымшасы арқылы онлайн көре алады.

Раушан Сайлауқызы