Халықаралық байқаушылар Қызылорда өңірін аралап жүр

Қызылорда облысында Еуропадағы қауіпсіздік және ынтымақтастық ұйымынан екі өкіл ұзақ мерзімді байқаушы ретінде тіркелген. Олар кезектен тыс Президент сайлауының өңірде заң талаптарына сай әділ өтуін бақыламақ.

Халықаралық байқаушылар бүгінде аймақты аралап, сайлау комиссияларының жұмысымен танысып жүр. Сондай-ақ сайлауда байқаушы болуға жергілікті үкіметтік емес ұйымдардан бірнеше өтініштер түскен. Жалпы облыс бойынша 483 мыңға жуық адам дауыс беру құқығына ие.

Саяси науқан күні өңірде 373 сайлау учаскесі жұмыс істейді.

Ғалым Баймұрзаев, Облыстық сайлау комиссиясының төрағасы:

Алдағы уақытта қысқа мерзімді де байқаушылар болады деп жоспарлануда. Қазір Орталық сайлау комиссиясынан акредитациядан өтуде. Алдағы уақытта басқа да халықаралық байқаушылар келетін болады.

Әділбек Серікұлы