Жаңалықтарды Telegram арнамыздан оқыңыз!Президент Маңғыстау жұртшылығымен кездесуі кезінде өткен аптада Қарағанды облысындағы шахтада болған жарылысықа байланысты пікір білдірі. Ол «АрселорМиттал Теміртау» кәсіпорнында апаттар жиілеп кеткенін атап өтті. Құзырлы органдар тарапынан бірнеше рет ескерту жасалғанына қарамастан, жағдай жақсармай отыр, деді.
Қасым-Жомарт Тоқаев, Қазақстан Республикасының Президенті:
Кәсіпорынға кешенді тексеру жүргізу керек. Соның ішінде еңбек қауіпсіздігі мен барлық экологиялық норма талаптарының сақталуына мән берілуге тиіс. Комбинаттың иесі техникалық жағдайды жақсартуға және жаңғыртуға жеткілікті дәрежеде инвестиция құйғанын анықтау маңызды. Бәлкім бұл жұмысқа зауыттың жағдайына шынайы баға беретін халықаралық компанияны тарту керек шығар. Мұндай қайғылы жағдай қайталанбауы үшін барлық қажет шараны қабылдау керек. Ең бастысы – азаматтарымыздың денсаулығы мен өмірі маңызды.
Шерхан Жамбылұлы
