Аса ауыр қылмыс жасағандар рақымшылыққа ілінбейді

Қаңтар оқиғасы кезінде аса ауыр қылмыс жасағандар рақымшылыққа ілінбейді. Бұл туралы Адам құқықтары жөніндегі орталық басшысының орынбасары айтты.

Оның мәліметінше, қабылданғалы жатқан заңда ауырлығы аз және орташа қылмыстары үшін жазадан босату көзделген. Ал ауыр қылмыс жасағандардың жазасы қысқарады, бірақ олар рақымшылыққа ілінбейді.

Әмір Омаров, Адам құқықтары жөніндегі ұлттық орталық басшысының орынбасары:

Бұл заң аясы бойынша ауыр қылмыстар үшін сот тағайындаған мерзім төрттен үшке, ал аса ауыр қылмыстар үшін жартысына қысқарады. Бұл адамдар заң бойынша рақымшылыққа ілінбейді. Бұл ретте азаптаулар жасаған адамдар, террористер, экстремистер және тәртіпсіздіктерді ұйымдастырушылар рақымшылыққа жатпайтынын атап өткен жөн.