Басты Жаңалықтар Биыл дау-даумайлардың 37,5 пайызы сотқа дейін жетпей бітімгерлікпен аяқталды

Биыл дау-даумайлардың 37,5 пайызы сотқа дейін жетпей бітімгерлікпен аяқталды

21.10.2022 15:00

Биыл дау-даумайлардың 37,5 пайызы сотқа дейін жетпей бітімгерлікпен аяқталды. Бұл көрсеткішті 50 пайызға дейін көтеру қажет. Бұл мәселе бүгін билік пен өңірлік медиация орталықтары өкілдерінің қатысуымен өткен кездесуде көтерілді. Жиындағылар араздасқан тараптарды татуластыру судьялардың жүктемесін азайтатынын да айтты.

Сондықтан медиацияның қызметі мен жұмысын насихаттау кеңінен жүргізіліп, жеке кабинеттері ашылса деген ұсыныстар айтты. Мәселен, сот істерінің жартысынан көбі медицина саласындағы дау-жанжалдарға тиесілі. Ал елімізде дәрігерлер мен науқастар арасындағы дауларды ізгілік жолмен шешетін кәсіби медиаторлар жетіспейді.

Жанар Үсіпбекова, Халықаралық медиация институтының директоры:

Өзінің міндетін, құқығын білуі керек медиктер. Ол білім болмаса, онда бармайтын еді. Азаяды ғой қылмыстық істер. Қазір бізде өте жоғары болып тұр. Жоғары соттың судьясы айтып кетті - бізде қылмытсық істер медиктерге қатысты көбейіп кетті. Сондықтан күшейтіп, кафедралар ашылса бүкіл медицина университеттерінде азаяды.

Жиын соңында екі тарапты тең қарап тыңдай білетін өз саласының кәсіби мамандары Республика күніне орай алғыс хаттарымен марапатталды.

Ламбриан Топузидис

Бөлісу