Жаңалықтарды Telegram арнамыздан оқыңыз!Солтүстік Қазақстанда синтетикалық есірткі саудасымен айналысқан 24 жастағы қыз ұсталды.
Күдіктінің сөмкесін тінту кезінде салмағы 49 грамм ақ ұнтақ тәркіленді. Сараптама оның синтетикалық есірткі – мефедрон екенін көрсеткен. Мамандардың айтуынша, бұл мөлшер жарты миллион адамды нашақор етуге жеткілікті. Күдікті қамауға алынды. Ол енді он бес жылға бас бостандығынан айырылуы мүмкін.
Иван Терзиди, СҚО полиция департаментінің есірткі қылмысына қарсы іс-қимыл басқармасының бастығы:
Өңірде жыл басынан бері есірткіні заңсыз сақтау мен сатудың 49 дерегі анықталды. 383 келіден артық психотроптық зат тәркіленді. Оның бір жарым келісі – синтетикалық есірткі.
