Елордада «Art angels» атты креативті жобалар жәрмеңкесі өтіп жатыр

Елордада «Art angels» атты креативті жобалар жәрмеңкесі өтіп жатыр. Мұнда жастар 14 сала бойынша идеясын ортаға салды. Тақырыптары сан алуан. Интеллектуалды шығармашылықты дамыту, ютуб арна жүргізу, ІТ жүйелер, урбанизация, білім, түрлі зертхана жұмысы көпшілікке таныстырылды. Мұндай шара елімізде алғаш рет өтіп отыр. Жәрмеңке кешке дейін жалғасады. Креативті жастарға демеушілер де табылып қалуы мүмкін. Өйткені жиынға жоба авторларынан бөлек, жеке инвесторлар мен ірі компания жетекшілері қатысқан.

Зарина Құтпанова, «DCLAB» зертханасының меңгерушісі:

Дизайнерлерді, суретшілер, моушен дизайнерлерді қолдау мақсатында біз осындай түрлі жобаларға қатысып жатырмыз. Осындай жобаларды жүзеге асыруға бәріңізді шақырамыз. Өйткені, бұл жобалар біздің Қазақстанымызды елімізді дамытып, ең бастысы креативті индустрияны дамыту үшін зертханада жұмыс жасап жатырмыз.

Раушан Сайлауқызы