Жаңалықтарды Telegram арнамыздан оқыңыз!Қазақ даласына үш ғарышкер қонды. Олар мінген «Союз» кемесінің капсуласы Жезқазғаннан оңтүстік-шығысқа қарай 150 шақырым жерге бейсенбіде табан тіреді. Ресейлік космонавтар Олег Артемьев, Денис Матвеев және Сергей Корсаков Байқоңырдан Халықаралық ғарыш станциясына наурызда аттанып, 195 күннен кейін оралып отыр. Экипаж қонысымен оларға дереу тікұшақпен қолдау командасы жетті. Медициналық тексеруден кейін ғарышкерлер Мәскеу маңындағы Жұлдызды қалашыққа ұшып кетті. Қазір орбиталық станцияда 6 астронавт қалды. Олардың біреуі – Еуропа ғарыш агенттігінен, төртеуі – НАСА-дан, біреуі – Ресейден.
Арыстанбек Рысбек
