Кәсіпкерлік нысандарын тексеру азаяды

Кәсіпкерлік субъектілерді тексеру - цифрлық жүйеге көшеді. Бұл жемқорлықты және бюрократияны азайтады. Кәсіпкерлік қызмет саласындағы жаңа реттеуші заң жобаларының негізгі тетіктерінің бірі - осы. Жоба жуық арада пилоттық режимде басталады. Сондай-ақ кәсіпкерлікке қойылатын талаптардың нақты тізімі жасалып жатыр. Яғни бизнесті негізсіз тексеру азаяды. Барлық кәсіпкерлік субъектілеріне қатысты талаптар-- бір электронды базаға жинақталады:

Динара Ақынбекова , «Атамекен» ҰКП Бизнесті реттеу және кәсіпкерлікті дамыту департаменті директорының орынбасары:

Бұл жерден кәсіпкер өзінің саласына, өзінің бағытына қатысты қандай талаптарды сақтау керек екендігін біліп отырады. Бұл реестрге тек қана жаңа реттеу саясатына сәйкес келетін талаптар енгізіледі. Яғни ол реестрге енбеген талаптар бойынша мемлекеттік орган кәсіпкерлік қызмет субъектілерін тексере алмайды. Тексерген жағдайда да әкімшілік жаза қолдана алмайды.

Дархан Рахымжан