«Қазгермұнай» ЖШС мемлекетке 1 миллиард теңгеден астам айыппұл төледі

 «Қазгермұнай» жауапкершілігі шектеулі серіктестігі мемлекетке 1 миллиард теңгеден астам айыппұл төледі. Қызылорда облыстық прокуратурасы - Бәсекелестікті қорғау және дамыту агенттігінің облыстық департаментімен бірге тексеру жүргізіп, заң бұзушылықтарды анықтады. Кәсіпорын электрондық сауда алаңдары арқылы сұйытылған мұнай газын өткізу кезінде монополиялық жоғары бағаларды белгілеу және ұстап тұрумен айналысқан. Сот шешімімен компанияға 126,6 млн теңге көлемінде әкімшілік айыппұл салынды және 881,4 млн теңге монополиялық табысы мемлекет пайдасына тәркіленді.

Дархан Рахымжан