Жаңалықтарды Telegram арнамыздан оқыңыз!Түркістан облысында колледж бен мектептердің 35 мұғалімі жалған дипломмен жұмыс істеп келген.
Білім басқармасының жұмысына тексеру жүргізген прокурорлар бірқатар заңсыздықтың бетін ашты. Сондай ақ басқарма тарапынан білім алушыларды мемлекеттік тапсырыс бойынша негізсіз қабылдаудың 7 дерегі анықталды. Колледждерде кадр даярлауға мемлекеттік тапсырысты орындау кезінде де кемшіліктерге жол берілген. Тапсырысты орындау барысында еңбек нарығына қажетті мамандар дұрыс таңдалмаған.
Дулат Әшірбеков, облыстық Прокуратураның басқарма прокуроры:
Шетелге шығып кеткен білім алушыларға негізсіз қаржы аудару фактілері, мұғалімдердің жалған диплом пайдалану арқылы жұмысқа орналасқан 35 фактісі анықталды. Бұл фактілер бойынша қазіргі таңда сотқа дейінгі тергеу басталды.
