Мемлекет басшысы Қайрат Сарыбайды қабылдады

Қазан айының 12-13 күндері елордада Азиядағы өзара іс-қимыл және сенім шаралары жөніндегі кеңестің 6-шы Саммиті өтеді. Маңызды жиынға дайындық барысын ұйым хатшылығының атқарушы директоры Қайрат Сарыбай бүгін Мемлекет басшысына баяндады. Сонымен қатар ол Қазақстанның осы бірлестікке төрағалығының қорытындысы туралы есеп беріп, кеңесті толыққанды халықаралық ұйымға айналдыру жоспары жөнінде айтты. Бұл маңызды міндетті жүзеге асыру – Қазақстанның стратегиялық мақсаты. 

Шерхан Жамбылұлы