37 млн теңгені жымқырған «Қазпоштаның» екі қызметкері сотталды

Батыс Қазақстанда төрт жылда 37 млн теңгені жымқырған «Қазпоштаның» қос қызметкері 7 жылға сотталды. Олар бір кәсіпкердің серіктестік есепшотына аударуға берген ақшасының бір бөлігін, яғни 36 млн теңгеге жуық қаражатты өздеріне алып қалған. Сондай-ақ бір зейнеткердің құжаттарын қолдан жасап, оның 1,2 млн теңгесін иемденген. Бас бостандығынан айырылғандарға қаржылық және мемлекеттік ұйымдарда материалдық жауапты қызметтерді атқаруға өмір бойына тыйым салынады.