Еліміздегі кеңсе тауарлары 12 пайызға қымбаттады - «Qazaqstan» Ұлттық телеарнасы

Еліміздегі кеңсе тауарлары 12 пайызға қымбаттады

19.08.2022

Еліміздегі кеңсе тауарлары 12 пайызға қымбаттады. Кейбір аймақта баға тіптен шарықтаған. Әсіресе, Түркістан, Атырау, Ақмола, Алматы облысында өсім жоғары. Жаңа оқу жылының басталуына санаулы күн қалды. Базар жағалаған ата-аналардың уайымы басым. 

Бүгін Гүлсана Еркінбай отбасымен базарға келген. Бірақ екі баланың қажеттілігін толық өтеуге қалтадағы 150 мың теңгесі жетпей қалыпты.

Гүлсана Еркінбай қала тұрғыны:
Қарандаш, күнделік, өшіргіш сияқты заттардың өзіне 12000 шықты , әлі алынбаған қанша заты бар, екі есе қымбаттаған.

Былтырғымен салыстырғанда, баға біраз өзгерген. Мұны сатушылар да мойындайды.

Ырзагүл Бейсенбиева, сатушы:
Былтырғыдан қарағанда айырмашылық бар, дәптер қымбаттау болып жатыр. Дәптер фирманың өзінде қымбат. Бізге қымбат келеді. Бізде тиісті бағамызды қосып сатамыз.

Сатушылардың айтуынша, баға барлық оқу-құралға қосылған. Шамамен 2 есе. Өйткені, 90 пайыз өнім шетелден келеді. Импортқа тәуелділік басым.

Еркеғали Кәрбозов, қалалық Инвестициялар және кәсіпкерлікті дамыту басқармасы басшысының орынбасары:
Биыл бірінші рет өткеніне қарамастан сұранысқа ие болып жатыр. Осы отырған 93 кәсіпкер компанияның 28-і әлеуметтік баға орнатуға келісіп, нарықтағы бағадан 10-20 пайызға арзан сатып отыр.

Жәрмеңке 21-іне дейін жалғасады. Екі күнде мұнда 20 мың адам келген. Балалар мектепке керек жарағын алып қана қоймай, көрме тамашалап, мәдени, спорттық шараларға қатыса алады. Премьер-Министрдің орынбасары Ералы Тоғжанов мұндай жәмеңкені еліміздің барлық өңірлерінде ұйымдастыру жөнінде тапсырма берді.

Раушан Сайлауқызы


Хабарламаларға жазылу