Алматыда коронавирус жұқтырған 58 бала ем қабылдап жатыр

Алматыда коронавирус жұқтырған 58 бала ем қабылдап жатыр. Бұл туралы қалалық қоғамдық денсаулық сақтау басқармасының өкілі Гүлжайнат Тілеген хабарлады.

Соңғы тәулікте 200 адамнан вирус анықталған. Басым бөлігінде ауру белгілері байқалған. Қазір инфекциялық стационарларда 123 науқас емделіп жатыр. 1700-ге жуық тұрғын амбулаториялық бақылауда. Мегаполис бойынша 1 миллион 200 мыңнан аса тұрғын вакцина қабылдаған. 600 мыңдай адам ревакцинациядан өткен. Басқарма өкілдері шаһарда вакцина жеткілікті дейді. Алдағы екі айда қосымша тағы 50 мың доза екпе жеткізу жоспарланған.

Гүлжайнат Тілеген, қалалық қоғамдық денсаулық басқармасының өкілі:

QazVaс, Pfizer және Синофармның Vero Cell вакцинасы жеткілікті. Оның 52658 мың дозаcы бар. Ал келесі екі айдың ішінде Pfizer мен QazVaс-ты тағы да күтіп отырмыз.

Қуан Нұрақын