Қаңтар оқиғасы: 23 азаматты үтікпен күйдірген

Қаңтар оқиғасы кезінде Талдықорғанда 23 азаматтың үтікпен азапталғаны анықталды. Жантүршігерлік жағдай қаңтардың жетісі мен он жетісі аралығында болған. Тергеудің аяқталғанын хабарлаған бас прокуратураның мәліметінше, мұндай сорақылық дәлелденді. 5 бірдей полиция қызметкері «күдікті» деп танылған. Оның үшеуі - криминалдық полиция басқармасының қызметкері, біреуі - әкімшілік полиция басқармасының инспекторы және тағы біреуі арнайы жасақтың өкілі. 4-тамызда қылмыстық іс сотқа жолданды. Құзырлы мекеме азаптаудың басқа да деректері бойынша тергеу аяқталуға жақын дейді.  

Шерхан Жамбылұлы