Алматыда майнинг жасауға мәжбүрлеген қылмыстық топ ұсталды

Ұйымдасқан қылмыстық топ IT саласының мамандарын майнинг жасауға мәжбүрлеген. Сондай-ақ олар заңсыз жолмен қарыз қайтарумен де айналысқан. Алматы, Шымкент, Ақтөбе, және Жамбыл облыстарында полицейлер мен Ұлттық қауіпсіздік комитетінің мамандары жүргізген арнайы операция кезінде жоғарыда аталған қылмыстарға қатысы бар 23 адам ұсталды. Белгілі болғандай, қылмыстық топт мүшелері айти саласында жұмыс істейтін маманға қоқан-лоқы көрсетіп, қорқыту арқылы оны криптавалюта өндіру жұмысын ұйымдастыруға итермелеген.

Ақтоты Боранова, ҚР ІІМ ресми өкілі:

Бақылаудағы заңсыз майнинг фермаларының қызметі Алматы облысының Талғар ауданы аумағында орналасқан қылмыскерлер ай сайын 300-500 мың АҚШ доллары мөлшерінде пайда алып отырғанын анықтады. Аталған өндіріс орындарын тінту, тексеру кезінде қылмыстық топтың 7 мүшесі ұсталды.