Жаңалықтарды Telegram арнамыздан оқыңыз!Оңтүстіктегі ағайынды солтүстікке көшіру бағдарламасы елімізде әлі жалғасып жатыр. Биыл оған 7 млрд 200 млн теңге бөлінгенін еске саламыз. Ал биыл қоныс аударған азаматтар 8 мыңнан асты. Өңірге көшіп барғандарға 222 600 теңге бір реттік төлем беріледі. Сонымен бірге тұрғын үй мен коммуналдық шығынға қосымша ақша төленеді. Қалаға қоныс аударғандар ай сайын 61 мың теңге алса, ауылға көшіп барғандардың есепшотына 45 900 теңге аударылады. Бұл тұрмыстық шығынды өтеу үшін берілетінін айта кетейік. Ал Еңбек министрлігінің ақпараты бойынша, биыл Солтүстік Қазақстандағы ірі және орта кәсіпорындарда екі мыңға жуық бос жұмыс орны анықталған.
Ақерке Бектас
