Жұмыссыз жастарға арналған «Zhas project» жобасына өтінім қабылдау басталды

Маңғыстау облысында жұмыссыз жастарға арналған «Zhas project» жобасына өтінім қабылдау басталды. Оның аясында 63 жеңімпазға 1 млн теңгеге дейін грант беріледі. Ақпарат және қоғамдық даму министрлігі қолдаған жоба - 18 бен 28 жас аралығындағы жастарға арналған. Оған бизнес идеясы бар жұмыссыз жастар, мүгедек бала тәрбиелеп отырған ата-ана, «Алтын» және «Күміс» алқа иегерлері, ата-ана қарауынсыз қалған балалар мен көп балалы отбасылар қатыса алады. Сондай-ақ, бұл тізімге жатпайтын бірақ, әлеуметтік жобасы бар жастар да үміткер бола алады. Өтінім онлайн түрде, zhasproject-mangystau.kz сайты арқылы, 10-шы тамызға дейін қабылданады. Үздік жобаларды арнайы комиссия анықтайды. «Zhas project» жобасы 2 жыл бұрын да жүзеге асқан. Ол кезде 300-ге жуық адам грант жеңіп алған еді.

Наурызбек Мағдатов, «Zhas project» жобасының маңғыстау облысы бойынша жетекшісі:

Жас прожект бұл жақсы тәжірибелі жоба. өз нетижесін көрсеткен жоба. сондықтан облыс жастары осы мүмкіндікті пайдаланып, 1 млн гран иегері атанып, өзінің кәсібін немесе әлеуметтік иедеясындағы жобасын жүзеге асыруға үлес қоса алады деп есептеймін. Сондықтан облыс жастарын осы мүмкіндікті пайдалануға шақырамын.

Аягөз Оралбайқызы