Пәкістанда жаңбыр соңы алапат тасқынға ұласты

Пәкістанның Карачи мен Хайдарабад қалаларында төпелеп жауған жаңбыр соңы алапат тасқынға ұласты. Көшелер көлкіген суға толып, қозғалыс қиындады.

Осыған байланысты Синдх провинциясының әкімшілігі мемлекеттік демалыс жариялады. Сондықтан Карачиде мектептер, кеңселер, сауда орындары уақытша жабылды. Дегенмен, жергілікті тұрғындардың айтуынша, билік апаттың зардабын азайту үшін су соратын машиналар мен қорғаныс құралдарын қолданбай отыр.

Құрбандар мен жараланғандар туралы мәлімет түскен жоқ. Пәкістан Метеорологиялық департаменті болса, бұл аймақта ертең де нөсер құйып, тасқынның күшеюі мүмкін екенін ескертті.

Арыстан Рысбек