Қарақалпақстанда төтенше жағдай алынып тасталды

Қарақалпақстанда төтенше жағдай тәртібі мерзімінен бұрын алынып тасталды.

Өзбекстан Президенті Шавкат Мирзиеев осындай жарлыққа қол қойды. Мемлекет басшысы Қарақалпақстанның Жоғарғы Кеңесінің үндеуі мен өңірде қоғамдық тәртіптің қайта қалпына келгенін назарға алып, бүгіннен бастап төтенше жағдайдың күшін жою туралы шешім қабылдады.

Айта кетсек, Қарақалпақстанда төтенше жағдай шілденің 3-нен бастап тамыздың екісіне дейін жаппай наразылық акциясынан кейін енгізілді. Тұрғындар республиканы өзін-өзі анықтау мүмкіндігінен айыратын өзгерісті Конституцияға енгізуге қарсы шыққан еді.