Жаңалықтарды Telegram арнамыздан оқыңыз!«Qazaqstan» және «Qazsport» телеарналары УЕФА Конференция Лигасындағы қазақстандық клубтардың төрт ойынын тікелей эфирде көрсетеді. Ала доп бәсекесі ертең басталады. Кешкі сағат 17:50-де «Qazsport» телеарнасының тікелей эфирінде петропавлдық «Қызыл-Жар» футбол клубы хорватиялық «Осиек» командасымен кездеседі. Ал сағат 19:50 де Қостанайлық «Тобыл» гибралтарлық «Линкольн Ред Импс» ұжымын қабылдайды. Ал Алматы орталық стадионында «Қайрат» венгриялық «Кишварданы» қабылдайды. Ойын 19:50 де Ұлттық арна эфирінен көрсетіледі. Сондықтан жаңалықтар уақыты 19:30 ға жылжып отыр. Түнгі сағат 1 де Польшалық «Ракув» өз алаңында «Астана» клубымен кездеседі. Барлық матчтарды qazaqstan.tv және qazsporttv.kz сайттарынан онлайн көруге де мүмкіндік бар.
Дархан Рахымжан
