Жаңалықтарды Telegram арнамыздан оқыңыз!Қызылорда облысы Арал ауданы аумағында кальцийленген сода өндіретін зауыт салынады. Бұл туралы Қазақстан экономикасын жаңғырту мәселелері жөніндегі мемлекеттік комиссияның отырысында мәлім болды. Үкімет басшысы зауытқа қажетті инфрақұрылымды қаржыландыру тетіктерін қарастыруды тапсырды. Жоба инвесторлар күшімен салынады. Зауыт іске қосылса 700-ден астам тұрақты жұмыс орны ашылады. Сонымен қатар, Ақтауда көпфункционалды қонақ үй-туристік кешен салу мәселесі талқыланды. Жоба 4 мыңға жуық жұмыс орнын ашуға мүмкіндік береді. Әлихан Смайлов бұл бағыттағы жұмыстарды жеделдетуді және құрылысы басталған барлық нысандарды аяқтау үшін бюджеттік несие бөлу мүмкіндігін қарастыруды тапсырды.
Дарын Сағитов
