Жаңалықтарды Telegram арнамыздан оқыңыз!Қасым-Жомарт Тоқаев әлеуметтік еңбек саласындағы өзекті проблемаларды шешу жөнінде бірқатар тапсырма берді. Бүгін Ақордада президент Еңбек және халықты әлеуметтік қорғау министрі Тамара Дүйсенованы қабылдады. Мемлекет басшысы жастарды жұмыспен қамту бағдарламасының тиімділігін арттыру, әлеуметтік қорғау жүйесінің тетіктерін жетілдіру қажет екенін атап өтті. Министр зейнетақымен қамтамасыз ету, әлеуметтік кодекс әзірлеу мәселесі туралы баяндады. Сондай-ақ геосаяси жағдайдың өзгеруін және еңбек нарығына қысымның күшеюін ескере отырып әзірленген, көші-қон саясатын дамыту жоспарын таныстырды.
Тамара Дүйсенова, ҚР Еңбек және халықты әлеуметтік қорғау министрі:
Әлеуметтік кодексті даярлау аяқталды. Қазіргі таңда 80-нен аса кодекстер мен заңдарға өзгерістер енгізіп жатырмыз. Ең негізгі мәселе әлеуметтік кодекстегі қазақстандық отбасылардың әлеуметтік жағдайын көтеру.
Шерхан Жамбылұлы
