Жаңалықтарды Telegram арнамыздан оқыңыз!
Бүгін жер жахандағы күллі мұсылман баласы үшін қасиетті Құрбан айт мерекесі басталды.
Мемлекет басшысы Қасым-Жомарт Тоқаев қазақстандықтарды осы ұлық мерекемен құттықтады. Президент бұл – имандылық пен адамгершіліктің, мейірімділік пен жанашырлықтың мейрамы екенін атап өтті.
"Құрбан айт мейрамы елімізде рухани құндылықтарды берік орнықтырып, қоғамдағы татулық пен тұрақтылықты сақтау жолында ерекше рөл атқарады. Бұл мереке Қазақстанда тұратын түрлі этнос және конфессия өкілдерінің өзара сыйластығы мен құрметін арттырып, достығын нығайта түседі. Халықты береке-бірлікке шақырып, ырыс-ынтымағын еселейді. Бейбітшілік пен ізгіліктің бастауы болған ата дініміздің басты мәні – осында. Бүгінгі ұлық мейрамда шалған құрбандықтарыңыз бен тілеген дұға-тілектеріңіз қабыл болсын!", делінген президент құттықтауында.
